Hot Post


Naija League and the Regular Wahala

In the past few days,many things don shele for Naija professional football league and Naija club football in general.

Over the weekend, Kano pillars fans and Katsina United fans beats the opposition players,coaches and even the match officials because of the habit to win at home by force.

LMC don do well with the immediate sanctions but the necessary action na points deduction because our people no go ever learn as money no be their problem.

The story wey dey touch my heart na the embarrassment wey Rangers international 2-2 draw with Zesco United don create among the fans of football across Africa. Some pundits now believe that home teams in Nigerian league dey always get penalty gift when the match don dey go against them just because Rangers get Penalrity as dem predict.

The Players wey be the main koko go travel with the Coaches by road for days with fatigue not a Friend, the team go lounge inside hotel wey no get quality while dem backroom staff go enter inside plane lounge inside five stars hotel with some Olosho to give dem massage and rounds for the Oza Room.

Some fans no even believe that you win some,you lose some,how una team go win Naija league finish and disgrace the entire country for continent.Always remember that Football na game wey unite us.dem create the game to promote love not hatred.Oyinbo clubs sabi boo their team when dem no do well not the innocent away team wey expose the weakness of their Darling team.
A Friend who is a top Zambian Journalist posted this few days ago to support his argument on the poor performances of away team in the NPFL.

Anyway here are the stats for the top 3 clubs;
Enugu Rangers: 3 wins,6 draws,9 losses
Abia Warriors: 2 wins, 6 draws, 10 losses
Wikki Tourists: 2 wins, 5 draws, 11 losses

Zanaco: 12 wins, 2 draws, 3 losses
Nkana: 9 wins, 4 draws, 3 losses
Zesco United: 9 wins, 2 draws, 2 losses

Mamelodi Sundowns: 10 wins, 3 draws, 2 losses
Bidwest Wits: 9 wins, 2 draws, 3 losses
Supersport United: 7 wins, 4 draws, 4 losses

Note that it is based on away victories in NPFL(Nigeria), ZSL(Zambia) and PSL(South Africa).

We need to change but Rangers will have to do the magic against Zesco this weekend and the game go dey live on Supersport(World of Champions).

Post a Comment