Odey, Aggrey Bang Bang MFM and Ifeanyi Ubah to Victory

Former Kano Pillars sabi player Prince Aggrey dey on top of him game when he use sabiness score two goals to help FC Ifeanyi Ubah win 3-2 for El-Kanemi head just like tantalizing Stephen Odey wey score him 9th and 10th goal of the season to assist MFM beat tough Plateau united 2-1 and na same scoreline Wikki take pass Katsina United while Phillars give Gombe United double wahala. Tornado happen as Niger People give Akwa united three kondo.

Shooting stars and Abia Warriors do Owambe just like Lobi and Nasarawa stingy for goals matter while ABS and Enyimba okro 1-1.

Plateau united seniority for table don remain one point as MFM and El Kanemi don gum for second and third respectively as Pillars dey hold Number 4 position on the table. Nasarawa dey flirt for 11th position while sun dey shine for 16th position. Remo, Rangers and Shooting stars dey swim with Rivers United for Relegation Sea.

Photo Credit : Mohammed Hassan, League management Company