Header Ads Widget

Update:    Happy New Year!   List of 12 Teams for Morocco 2024 Women's AFCON     Football and Other Sports: Live BLOG   Nigeria Football and Other Sports: Live BLOG 2024 AFCON Opening Game: Ivory Coast vs Guinea-Bissau, 13th January 2024 20:00WAT.      • Welcome to Nigeria Football and Others Media (Nigfooty Sports), the Home of Global Sport.     ☎️ To contact us, call, +2349074986288 - Nigeria Football and Others Media

Pidgin Friday : Ighalo na Khaki and Ideye na Leàther

Photo Credit : The NFF

As we begin to dey countdown for the gbege wey go shele for Uyo when our own Super Eagus go dey butterfly against some tantalizer wey go come from North Africa wey we sabi dem to be desert for foxes from obodo Algeria.
D problem wey we get for long time wey we never solve na person wey go dey pake goals plenti for us.

As we sabi say before before,we get strikers like Rashidi Yekini,Daniel Amokachi,Yakubu Aiyegbeni,Samson Siasia,Obafemi Martins,Nwankwo KANU,Ikechukwu Uche and na all of dem sabi pake goals for us.John Utaka,Osaze Odemwingie,Emmanuel Emenike,Victor Ikpeba don try for us too.

As our team dey now,we dey miss those deadly scorers in front of goal like woman wey dey miss her monthly visitor and we no get other choice than to wear Ighalo(Khaki) abi Ideye(Leather) but as we all know,Ideye dey different from Ighalo with playing style and skills.

Photo Credit : Stargist.com

Both players na the product of our youth set-up few years ago and dem no get go scoring record for our national team at any level.

IGHALO : Jude na our U-20 captain for Egypt 2009,Even though, he hustle,he show skill and power,he no score any goal there,na over the bar he dey chop but he be legend for Granada when he helep dem gain promotion two times to Spanish LA liga.he from there enter Watford for English Championship and he also helep dem gain promotion enter Premier League with 20goals as he form a confirm deadly partnership with Troy 'Akanji' Feeney.

Odion Ighalo use skill wey dem dey call "Iggy Chop" disturb defenders like die for EPL and he also bang goal plenty wey make dem name him premier league player of the month of December,2015.

Photo Credit : Daily Mail

Ighalo na player wey dey rely on power,muscle and strength to overpower defenders to score goal,he no get pace,he lack aerial ability but he can deliver if u play him with a sensible supplier as partner.

As for Brown Aide Ideye,He played for Naija at Canada 2007 and he banged few goals,Brown dey score goals for all the clubs wet hin don play for except for westbrom wey he face Goals-Assu Strike..

He dey great form for Olympiacos for Greece but Naija footuball fans dey always remember him for his great partnership with Emmanuel Emenike at Afcon 2013 but he never show say he sabi play top striker for Naija especially as he fumble for 2013 confederations cup for Brazil.

Ideye sabi holdup play,He sabi play wing,He get aerial ability, good ball control, good chest control and he sabi gather assists.

The role wey Ideye play for Zambia dey underrated, For our first goal,Ideye try to hold the ball up but Zambian defender clear am go throw-in,Na the throw-in lead to our go because that one allowed our attackers gather.
For the Second goal, Onazi play long ball forward, Ideye chase and holdup the ball far wide,Our attackers begin to gather themselves for Zambian half, Ideye pass the ball to Simon who pass back to Mikel,Mikel do 1-2 with Kelechi Iheanacho before Mikel now pass to Ideye who used his body to block two Zambia defenders to feed/lay the ball for Iheanacho to complete.

From this little analysis, I choose Ideye !

Post a Comment