Pillars Quench Fire, Plateau Chop am for injury time

Our Nigeria Professional Football League enter week 25 this concluded weekend.
Kano pillars show say Ramadan no dey affect performance when dem panel beat MFM 3-1,Rabiu Ali penarity give Pillars the lead before Stephen Odey score the 15th goal of the season to equalize but Amos Gyang and Adamu Mohammed score two late goals to humble the EKO team Ibrahim Adebayo and Sunday Faleye score for second half to carry empty basket put for ABS head for ibadan as FC Ifeanyi Ubah chop Ogbono with Wikki and Same thing shele between Tornadoes and Rangers. Akwa United nak Katsina 2 kondo through Alhassan Ibrahim and Musa Newman while Anthony Sunday score brace as EL-Kanemi waya Remo Stars 2-0.
Sunshine Stars shine pass gombe through Sikiru Alimi and Dayo Ojo while Nasarawa use former Enyimba striker Abdulrahman Bashir to win Peoples' Elephant. Na Correct drama happen for Umuahia when Abia welcome Plateau United, Abia warriors score penalrity for 98th minutes through Shedrack Asiegbu who score brace as Hamzat Owolabi goal na only consolation.

NPFL Matchday 25 Full Results
Kano Pillars 3-1 MFM FC
Shooting Stars 2-0 ABS FC
FC Ifeanyiuba 0-0 Wikki-Tourists
Niger Tornadoes 0-0 Rangers International
Akwa United 2-0 Katsina United
El-Kanemi Warriors 2-0 Remo Stars
Nasarawa United 1-0 Enyimba International
Abia Warriors 2-1 Plateau United
Sunshine Stars 2-1 Gombe United
Lobi Stars 1-0 Rivers United

Plateau United still dey for top with 45points while El-Kanemi dey ahead of MFM on goals difference for second. Gombe United, Sunshine, Shooting and Remo dey shine like million stars for danger.

Photo Credit : npfl.ng

Post a comment

0 Comments