Hot Post


Kano Pillars fall On Top Elephants, MFM fire Remo, Tornado put Nasarawa inside River Niger

When two strong team jam for field, na the grass go suffer and na wetin happen for Kano when Phillars sempe Enyimba 3-1 even when former Enyimba captain Chinedu Udoji collect red card. Kabiru Balogun score two goals before Gambo add jara for last minute after Enyimba don score one back from penalrity. Sharp striker wey be leading goal scorer with seven goals na him score the goal wey seperate MFM from Remo on Sunday for Agege stadium just like Esosa Igbinoba help Rivers United wash away Rangers.

FC Ifeanyi Ubah play 2-2 draw for Nnewi as ABS use one goal senior Katsina like wetin happen as Gombe collect one kulikuli from Lobi. Sooting draw another game for house against Plateau while Akwa win El-kanemi one kondo but same repeat when Sunshine wicked Wikki for Akure.

Matchday 12 Results
Rivers 1-0 Rangers
ABS 1-0 Katsina
MFM 1-0 Remo
3SC 1-1 Plateau
Lobi 1-0 Gombe
FCIU 2-2 Abia Warriors
Tornadoes 2-0 Nasarawa
Akwa 1-0 El-Kanemi
Sunshine 1-0 Wikki
Pillars 3-1 Enyimba
One point from Ibadan help Plateau remain for top as ABS land for 3rd position,Victory over Enyimba catarpot philars to number seven as Sooting,FC Ifeanyi Ubah,Wikki and Remo dey do relegation village meeting for bombom of the table.

Post a Comment