Rangers no Range, Sooting Soot Lobi, MFM Fem Akwa United for NPFL Week One

The Naija Professola League wey everi body sabi as NPFL start this weekend afta players and officials dem don siddon for house sleep for too long sote some of dem don dey begin fat with style.
Rangers players still dey celebrate Christmas and New year as Fortune Omoniwari goal for ten minute no fit prevent defeat for the League Champions.
Emeka Isaac's deflected effort level ground for visitors for first half.Na Godwin Zaki score penarity for 72 minute, after Chibuzor Madu don play Basket ball for inside hin box 18.

Na only Ibrahim Mustapha waka come for Enyimba to beat Sunshine for Calabar,Guy Kuemian and Emeka Ogbugh sabi where net dey for Rivers to flow pass El kanemi Warriors.

ABS teach Akwa United ABC for Kwara as Mohammed Mohammed do Allahu Akbar to Open Gate for Baba Godu to Power Igudia and Abubakar Chindo to stamp the victory.
Katsina halla Gombe united 2-1 as Rain no gree fall between Wikki and Nasarawa United.

Sikiru Olatunbosun, Stephen Odey and Adegboyega Adekunle make sure say Niger Tornadoes collect three Agbalumo for Lagos as Remo Stars no shine as dem collect welcome to NPFL gift from Plateau United in Sagamu.

No Bill for Lobi Stars as dem allow Afolabi Waheed and Sunday Faleye serve dem plates of Amala and Ewedu for Ibadan with Shooting Stars but the game wey get controversy na between Kano Pillars and Ifeanyi Ubah even though say Kano Pillars dey lead by 1kondo before dem stop am.

Photo Credit : LMCNPFL

Post a comment



 1.Abia Warriors00000000
 2.Adamawa Utd.00000000
 3.Akwa United00000000
 4.Dakkada FC00000000
 5.Enyimba Int'l00000000
 6.FC Ifeanyi Ubah00000000
 7.Heartland FC00000000
 8.Jigawa GS00000000
 9.Kano Pillars00000000
 10.Katsina United00000000
 11.Kwara United00000000
 12.Lobi Stars00000000
 13.MFM FC00000000
 14.Nasarawa Utd.00000000
 15.Plateau United00000000
 16.Rangers Int'l00000000
 17.Rivers United00000000
 18.Sunshine Stars00000000
 19.Warri Wolves00000000
 20.Wikki Tourists00000000